തിരുവനന്തപുരം അതിരൂപത ആർ. സി. സ്കൂൾസ് – ന്റെ നേതൃത്വത്തിൽ പ്രധാന അധ്യാപകർക്കും, പ്രിൻസിപ്പൽമാർക്കും പരിശീലനം നൽകി. MELIOR -2023 എന്ന പേരിൽ ജൂലൈ 8, 9 തിയതികളിൽ വെള്ളയമ്പലം ടി.എസ്. എസ്. എസ് ഹാളിൽ നടന്ന ദ്വിദിന പരിപാടി അതിരൂപത വിദ്യാഭ്യാസ ശുശ്രൂഷ ഡയറക്ടർ ഫാ. സജു റോൾഡൺ ഉദ്ഘാടനം ചെയ്തു. അതിരൂപത ആർ. സി. സ്കൂൾസ് മാനേജർ ഡോ. ഡൈസൺ പരിപാടിയിൽ അധ്യക്ഷത വഹിച്ചു.
വിദ്യാഭ്യാസ പ്രവർത്തനങ്ങൾക്ക് നേതൃത്വം നൽകുന്ന ക്ലാസുകളായ പ്രൊഫഷനലിസം, ടൈം മാനേജ്മെന്റ്, ട്രാൻസിഷൻ ആൻഡ് അനാലിസിസ് തുടങ്ങിയ വിഷയങ്ങളിൽ ഐ. എം. ജി- യിൽ നിന്നും പ്രഗത്ഭരായ പരിശീലകർ ക്ലാസുകൾക്ക് നേതൃത്വം നൽകി. പരിപാടിയിൽ മുൻ ചീഫ് സെക്രട്ടറി ശ്രീ. വിജയാനന്ദൻ ഐഎഎസ് മുഖ്യപ്രഭാഷണം നടത്തി. പ്രധാന അധ്യാപകരും പ്രിൻസിപ്പൽമാരുമായി 30 പേർ പരിശീലന പരിപാടിയിൽ പങ്കെടുത്തു.
