കാലം ചെയ്ത പോപ്പ് എമിരിറ്റസ് ബെനഡിക്ട് പതിനാറാമന് ആദരാഞ്ജലികൾ അർപ്പിക്കുന്നതിനായി അനുശോചന ചടങ്ങ് സംഘടിപ്പിച്ച് ആഗോള കത്തോലിക്കാ സഭയുടെ മുഖപത്രമായ ഒസ്സെർവത്തോരെ റൊമാനോയുടെ ഇന്ത്യയിലെ പ്രസാദകരായ കാർമൽ ഇൻറർനാഷണൽ പബ്ലിഷിംഗ് ഹൗസും. വഴുതക്കാട് കാർമൽ ഹിൽ ആശ്രമ ദേവാലയത്തിലാണ് അനുശോചന ചടങ്ങ് സംഘടിപ്പിച്ചത്.
5- ആം തിയതി ഉച്ചയ്ക്ക് രണ്ടു മണി മുതൽ 6 വരെ നടന്ന ചടങ്ങിൽ നിരവധി പേർ ആദരാഞ്ജലികൾ അർപ്പിച്ച് പ്രാർത്ഥനയിൽ പങ്കുകൊണ്ടു. ഒ സി ഡി മലബാർ പ്രോവിൻസ് പ്രോവിൻഷ്യൽ ഫാ.ജേക്കബ് ഏറ്റുമാനൂർകാരൻ പ്രാർത്ഥന ശുശ്രൂഷകൾക്ക് നേതൃത്വം നൽകി. മന്ത്രി ജെ ചിഞ്ചു റാണി, യുഡിഎഫ് കൺവീനർ എം എം , ബിനോയ് വിശ്വം എംപി, കെ എസ് ശബരിനാഥൻ, അഡീഷണൽ ചീഫ് സെക്രട്ടറി ടി കെ ജോസ്, ജിജി തോംസൺ ഐ എ എസ്, പാളയം ഇമാം വി പി സുഹൈബ് മൗലവി, ജോൺ വിനേഷ്യസ്, നോയൽ പാട്രിക്, ഡോ യൂജിൻ ഗോമസ്, ഫാ ജെയിംസ് ആലക്കുഴിയിൽ ഒ സി ഡി, ഫാ പീറ്റർ ചക്കിയത്ത് ഓ സി ഡി,ഫാദർ ജോസഫ് നെല്ലിക്കാശ്ശേരി ഒ സി ഡി, ഫാദർ ആന്റണി ആറ്റുതുണ്ടിയിൽ ഒ സി ഡി, ഫാദർ ജോസഫ് ചക്കാലക്കുടിയിൽ ഓ സി ഡി, തുടങ്ങി നിരവധി പേർ അനുശോചന ചടങ്ങിൽ പങ്കെടുത്തു.
