കടലിൽ പോകുന്നതിനുള്ള നിയന്ത്രണം പിൻവലിച്ചു; യാത്രാ നിരോധനവും ഒഴിവാക്കി.

ചുഴലിക്കാറ്റ് മുന്നറിയിപ്പിനെത്തുടർന്നു ജില്ലയിൽ കടലിൽ പോകുന്നതിനും പൊന്മുടി അടക്കമുള്ള ഉയർന്ന പ്രദേശങ്ങളിലേക്കുള്ള യാത്രയ്ക്കും ഏർപ്പെടുത്തിയിരുന്ന നിരോധനം പിൻവലിച്ചു. കാലാവസ്ഥ മെച്ചപ്പെട്ട സാഹചര്യത്തിലാണു തീരുമാനമെന്ന് ജില്ലാ കളക്ടർ ഡോ. നവ്‌ജ്യോത് ഖോസ അറിയിച്ചു.

മത്സ്യബന്ധനത്തിനായി കടലിൽ പോകാവുന്നതാണ്. വിനോദ സഞ്ചാരത്തിനായി ബീച്ചുകളിലേക്ക് ആളുകൾക്കു പ്രവേശിക്കാം. ജില്ലയിലെ അംഗീകൃത ക്വാറിയിങ് പ്രവർത്തനങ്ങൾക്കും നിയമാനുസൃത ഖനന പ്രവർത്തനങ്ങൾക്കും ഏർപ്പെടുത്തിയ താത്കാലിക വിലക്കും പിൻവലിച്ചതായി കളക്ടർ അറിയിച്ചു.