തപസ്സുകാല കുഞ്ഞു ചിന്തകളുമായി സാമൂഹിക മാധ്യമങ്ങളിൽ പ്രത്യക്ഷപ്പെടുന്ന ‘കുഞ്ഞുമാലാഖക്കൂട്ടത്തിലെ’ കുരുന്നുകളുടെ വീഡിയോയാണ് ഇപ്പോൾ പ്രേക്ഷക പ്രീതി നേടിയിരിക്കുന്നത്. പരുത്തിയൂര് ഇടവക വികാരി . ഫാ. ജേക്കബ് സ്റ്റെല്ലസിന്റെ നേതൃത്വത്തിലാണ് കുഞ്ഞുമാലാഖക്കൂട്ടം അണിനിരക്കുന്നത്. ഇടവകയിലെ കെ.ജി. മുതൽ 6-ആം ക്ലാസ് വരെയുള്ള കുട്ടികളാണ് ‘കുഞ്ഞുമാലാഖക്കൂട്ടം’ എന്ന കൂട്ടായിമയിലെ അംഗങ്ങൾ. നിലവിൽ 115 ഓളം അംഗങ്ങളുള്ള ‘കുഞ്ഞുമാലാഖക്കൂട്ടം’ ഇടവക തലത്തിൽതന്നെ വിവിധ പ്രവർത്തനങ്ങളുമായി മുന്നേറുകയാണ്. ഇടവകയിലെ കുഞ്ഞു കുട്ടികളുടെ വിശ്വാസ ജീവിതത്തിനു മുതൽ കൂട്ട് ആകുകയാണ് ‘കുഞ്ഞുമാലാഖക്കൂട്ടം’ എന്നതും വളരെ ശ്രദ്ധയമാണ്.
‘കുഞ്ഞുമാലാഖക്കൂട്ടം’ എന്ന യൂട്യൂബ് ചാനൽ വഴിയാണ് വിഡിയോകൾ പങ്കുവക്കുന്നത്. പരുത്തിയൂർ ഇടവകയിലെ സഹവികാരിയായ ഫാ. ഡേവിഡ്‌സൺ, ഡീക്കൻ എബിൻ എന്നിവരാണ് വീഡിയോ ചിത്രീകരണവും എഡിറ്റിംഗും തുടങ്ങി അണിയറ പ്രവർത്തനങ്ങൾ നിർവഹിക്കുന്നത്.
